რამდენიმე ფაქტორი, რომელიც მოქმედებს ნივთიერებათა ცვლაზე:

თქვენი სხეულის აგებულება: იმ ადამიანების სხეული, რომელთაც მეტად აქვთ განვითარებული კუნთოვანი ქსოვილი წვავს მეტ კალორიებს, მოსვენების დროსაც კი...
თქვენი სქესი: როგორც წესი მამაკაცებს აქვთ მეტი კუნთები და ნაკლები ცხიმი, რაც ეხმარება მათ მეტი კალორიის დაწვაში.
ასაკი: ასაკის მატებასთან ერთად მცირდება კუნთოვანი მასა და იმატებს ცხიმი ორგანიზმში, ამის გამო ადამიანი წვავს ნაკლებ კალორიებს. ნივთიერებათა ცვლა ასაკში ნელდება წელიწადში 2%-ით.
ნივთიერებათა ცვლას განსაზღვრავს ორი ძირითადი ფაქტორი, რომლებიც განსაზღვრავენ რამდენ კალორიას წვავთ დღეში:
კვება: საკვების გადამუშავებაზე, ტრანსპორტირებასა და საკვები ბოჭკოების შენახვაზე ორგანიზმი ხარჯავს კალორიების 10%-ს დღეში.
ფიზიკური აქტივობა: ნებისმიერი ფიზიკური აქტივობა დღის განმავლობაში(ვარჯიში, თამაშები, მაღაზიაში სიარული, ძაღლის გასეირნება) განსაზღვრავს ნივთიერებათა ცვლის სისწრაფეს, ამიტომ სასურველია პასიური ცხოვრების სტილის აქტიურით ჩანაცვლება.