ლამაზი მკერდის საიდუმლო და მოვლა!" ლამაზი მკერდის საიდუმლო და მოვლა! ქალის სხეულის ყველა ნაწილიდან, მკერდი ითვლება ქალურობის და გრაციის განსახიერებად. მკერდის ზომა, ფორმა და სიმკვრივე დამოკიდებულია სხეულის წყობაზე სილამაზის კანონების მიხედვით, კერტები განლაგებული უნდა იყოს მხრის ძვლის შუა ადგილის დონეზე, ხოლო მანძილი ლავიწიდან კერტამდე უნდა იყოს 2-ჯერ მეტი, ვიდრე კერტიდან მკერდის ქვედა ნაკეცამდე – ეს კლასიკაა. თუ ასეთი შესაბამისობა არ აგეღნიშნებათ, ნუ მოიწყენთ, ყოველთვის შეიძლება მოინახოს კორექციის სხვადასხვა საშუალება, რომელიც გაგიუმჯობესებთ მკერდის ფორმას. პირველ რიგში, ეს არის ყოველდღიური სწორი მოვლა, მიმართული სიმკვრივის გასაუმჯობესებლად და ბიუსტის დაწევის თავიდან ასაცილებლად, ასაკობრივი ცვლილებების სიჩქარის შესანელებლად. ფაქტია, რომ მკერდის ჭკნობა, სიმშრალე, კანის საფარის გამოფიტვა, ორგანიზმის დაბერების პროცესში აუცილებლად ხდება.

მკერდის მოვლისას მნიშვნელოვანი მომენტია ყოველდღიური წყლის პროცედურები. შეისხით სარძევე ჯირკვლებზე ჯერ თბილი, ხოლო შემდეგ ცივი წყალი (3-7-ჯერ) ან გაიკეთეთ კონტრასტული ჰიდრომასაჟი შხაპის ზომიერი ნაკადით. ეს ასტიმულირებს ლიმფას, სისხლის მიმოქცევას მკერდის ჯირკვლებში, ატონიზირებს, ასწორებს და სიმკვრივეს მატებს კანს. თანამედროვე პირობებში, როცა წყალი სავსეა ქლორით და მძიმე მეტალებით, დაჟინებითი რეკომენდაციაა ჩვეულებრივ ტუალეტის საპონზე უარის თქმა, რომელიც ისედაც აშრობს კანს. გამოიყენეთ გელი შხაპისათვის, რომელიც შეიცავს ნეიტრალურ PH , ან უკიდურეს შემთხვევაში, კრემ-საპონი. ჭკნობაშეპარული, გაუწყლოებული და მოდუნებული მკერდის კანისათვის ძალიან სასარგებლოა სველი კომპრესები, ხოლო ბოლოს– ყინულის მასაჟი მცირე დროით. 8-ჯერ გაკეცილი დოლბანდი დაასველეთ მკვდარი ზღვის მარილით გაჯერებულ წყალში (ს.კ. მარილი 0,5 ლიტრ წყალზე), დაიდეთ მკერდზე 10 წუთით, ხოლო შემდეგ დაიზილეთ ყინულით, რომელიც მომზადებული იქნება ამავე ხსნარისაგან. ეს იქნება მკერდის კანის ტონიზირება და მინერალიზირება. იგივე პროცედურა შეგიძლიათ გააკეთოთ შემდეგი ნაყენისაგან: აიღეთ თანაბარი რაოდენობის მწვანე ჩაი, მუხის ქერქი, პიტნა, გვირილა, ცაცხვის ყვავილი – ეს არის მატონიზირებელი და გასამკვრივებელი ნაყენი. ფინალი – წაისვით ისეთი მკვებავი საშუალება, რომელიც დამოკიდებულია მოვლის მიზანზე. ეს შეიძლება იყოს სპეციალური კრემი მკერდისათვის (სახის და ტანის კრემი არ გამოდგება, რადგან მკერდის კანს სხვა სტრუქტურა აქვს). შეამოწმე, როგორ გამოიყურება შენი მკერდი სპეციალისტთან ვიზიტის შემდეგ: გარკვეული დარღვევები ხერხემალზე, კისრის და მკერდის ნაწილში, ასევე მხრების სახსრებში, აუცილებლად მოახდენს გავლენას მკერდის კუნთის მდგომარეობაზე, და მაშასადამე, მისი სიმაღლის დონეზეც. ამის შემოწმება ძალიან ადვილია: ჩამოუშვით მხები წინ და მოიხარეთ-მკერდი ჩამოუშვით. შენიშნავთ, რომ ნაკეცები გაიზრდება; ახლა ხელები უკან წაიღეთ, შეაერთეთ და დაბლა დაუშვით – მკერდი მაღლა აიწევს და უკეთეს ფორმას მიიღებს. ასეთი მდგომარეობა ბუნებრივად რომ იქცეს, მიაკითხეთ სპეციალისტს ხერხემლის კორექციისათვის. თუ კანზე დაგრჩათ ხაზები მშობიარობის შემდეგ ან წონის ცვლილებისას, ანუ კანი დაიწელა, მაშინ ზემოთ ჩამოთვლილი პროცედურების დამთავრებისას იდეალური საშუალებაა კაკაოს ზეთი(კოსმეტიკური), რომელიც უნდა წაისვათ შემთბარ მდგომარეობაში. ეს ერთადერთი ზეთია, რომელიც მდიდარია ელასტინით. ნებისმიერი დაწელილობა – ეს არის ელასტინის ბოჭკოების დაშლა კანის დერმალურ ფენაში. კაკაოს ზეთი შესანიშნავად აღადგენს ელასტინის ბოჭკოებს. მაგრამ ძალიან მნიშვნელოვანია, რომ ზეთი ადვილად შეიწოვებოდეს და არ ტოვებდეს ცხიმიან ფენას ზედაპირზე, ამიტომ, ის უნდა იყოს 100% სუფთა სახით, განკუთვნილი ამ მიზნებისათვის. რეკომენდირებულია მასაჟი კაკაოს ზეთით მკერდის, მუცლის და დუნდულების მიდამოებში ნებისმიერი ორსულისათვის პირველ თვეებში. ეს დაეხმარება თქვენს კანს, რაც შეიძლება სწრაფად და ხარისხიანად აღიდგინოს პირვანდელი მდგომარეობა მშობიარობის შემდეგ. შემოწმებულია მრავალჯერ! არგად კვებავს, ამკვრივებს(ანტიოქსიდანტების თვისებების ხარჯზე) და აღადგენს მკერდის კანს ყურძნის კურკის ზეთი. სასურველია დავამატოთ ეთერზეთები: სანდალოზის, როზმარინის, მანდარინის. იგი ამცირებს კანის მოდუნებას, აუმჯობესებს სისხლის მიმოქცევას და გაცვლით პროცესებს, შედეგად – იმატებს სიმკვრივე. მაღლა ჩამოთვლილ საშუალებათა გამოყენების ხანგრძლივობა მოიცავს მინიმუმ 6-7 თვეს. მაგრამ სპეციალისტთან კონსულტაცია შეასრულებს მნიშვნელოვან როლს ნებისმიერ კონკრეტულ შემთხვევაში სასურველი შედეგის მისაღწევად. პერიოდულად შეამოწმე მკერდი, ხომ არ გაჩნდა საეჭვო გამაგრებები და "ბურთულები". თუ ეს პრობლემა წარმოიქმნება, სასწრაფოდ მიაკითხეთ ექიმს, რადგან ეს შეიძლება იყოს საშიშროება მთლიანად ჯანმრთელობისათვის. ქალებისა და გოგონებისათვის, რომელთაც სუსტი, დიდი ან პატარა მკერდი აქვთ, რეკომენდირებულია რეგულარული ცურვა, ბრასის სტილში. მკერდის ლამაზი ფორმის შესანარჩუნებლად, მნიშვნელოვანია გულდასმით შეარჩიოთ და სწორად ატაროთ ლიფი, განსაკუთრებით ეს ეხებათ ქალებს – დიდი, ჩამოკიდებული მკერდით. იგი არსად არ უნდა გაჭერდეთ, ბრეტელები არ უნდა იყოს ძალიან წვრილი და არ უნდა იჭრებოდეს სხეულში, რადგან ეს ძალიან ცუდად აისახება მკერდის ჯირკვლების სისხლმომარაგებაზე და აუარესებს კანის კვებას. ლიფი არ უნდა გვიქმნიდეს დისკომფორტს ტარებისას და არ უნდა გვახსენებდეს თავს. სხვადასხვა დროს მკერდის სილამაზის ცნება იცვლებოდა, სხვადასხვა ეპოქაში ლამაზად ითვლებოდა ხან ფუმფულა დიდი მკერდი, ხან პატარა კონუსის ფორმის. ამჟამად ლამაზად ითვლებ